പാവം മൈദാ

മൈദ :- ഗുണമില്ലാത്തവന്‍, വെയിസ്റ്റ്, അമേരിക്കയില്‍ പട്ടിക്കു പോലും വേണ്ടാത്തവന്‍, പശ ഇത്യാദി പേരുദോഷം വന്നത് കൊണ്ടും ചില രാഷ്ട്രീയ നേതാക്കള്‍ക്കെതിരെ നടക്കുന്നത് പോലെ ഉള്ള വ്യാപക പ്രതിക്ഷേധം നടക്കുന്നതിനാലും വിലക്കയറ്റം ബാധിക്കാത്ത അഹങ്കാരം തൊട്ട് തീണ്ടിയിട്ടില്ലാത്ത രണ്ടു വസ്തുക്കളില്‍ ഒന്ന്. (മറ്റൊന്ന് Fluorescent light ആണ്- അന്നും ഇന്നും 40 രൂപ ) സത്യം പറഞ്ഞാല്‍ കൂലിപ്പണിക്ക് പോകുന്നവന് പ്രഭാത ഭക്ഷണം രണ്ടു തരമാണ്. ഒന്നുകില്‍ കപ്പ അല്ലെങ്കില്‍ പൊറോട്ടാ. ഉച്ചവരെ പിടിച്ചു നില്‍ക്കണമെങ്കില്‍ ഇവന്മാരെ ഉള്ളൂ ഒരു സഹായത്തിന്. പച്ചക്കപ്പയ്ക്ക് കിലോ 20 ഉം ഉണക്ക് കപ്പയ്ക്ക് കിലോ 60 ഉം. ഒരു പ്ലേറ്റ് കപ്പ വേവിച്ചതിനു ഹോട്ടലുകളില്‍ 25 മുതല്‍ മുകളിലോട്ടു റേറ്റ്. പൊറോട്ടാക്കാണെങ്കില്‍ 8 രൂപ മാത്രം. കപ്പയിലും പൊറോട്ടയിലും ഉച്ചവരെ ആശ്വാസം കണ്ടെത്തുന്ന സാധാരണക്കാരനായ കൂലിപ്പണിക്കാരന് മൈദ ദൈവതുല്ല്യം. ദയവായി മൈദയ്ക്ക് ഗുണമുണ്ടെന്നു ആരും ഉറക്കത്തില്‍ പോലും പറയരുതേ.. പാവങ്ങള്‍ പശ കൊണ്ടെങ്കിലും ജീവിച്ചു പൊക്കോട്ടെ...