എന്‍റെ പ്രാര്‍ത്ഥന

"അദ്ധ്വാനമാണ്, ഒരുവന്‍ തന്‍റെ സുഖത്തിനു വേണ്ടിയല്ലാതെ മറ്റുള്ളവര്‍ക്ക് വേണ്ടി ചെയ്യുന്ന സത്യസന്ധമായ അദ്ധ്വാനമാണ് ശരിയായ പ്രാര്‍ത്ഥന. അല്ലാതെ കുത്തി ഇരുന്നു കണ്ണടച്ച് കൈകള്‍ കൂപ്പുന്നതല്ല. ഞാന്‍ രാവിലെ മുതല്‍ വൈകുന്നേരം വരെ എന്‍റെ കുടുബത്തിന് വേണ്ടി ജോലി ചെയ്യുമ്പോള്‍ എന്റെ പ്രാര്‍ത്ഥന പൂര്‍ത്തിയാകുന്നു.പിന്നെ ദൈവത്തിന്‍റെ മുന്‍പില്‍ കണ്ണടയ്ക്കുകയോ കുമ്പിടുകയോ ചെയ്യേണ്ട ആവശ്യം വരുന്നില്ല. മറിച്ച്, രാവിലെ മുതല്‍ വൈകിട്ട് വരെ ഞാന്‍ കുത്തി ഇരുന്നു ദൈവത്തെ വിളിച്ചാല്‍ എന്‍റെയും കുടുംബത്തില്‍ ഉള്ളവരുടെയും വയറ്റിലോട്ടൊന്നും പോകില്ല എന്ന് മാത്രമല്ല ദൈവം എന്നെ നോക്കി കളിയാക്കി ചിരിക്കുകയും ചെയ്യും എന്ന് ഞാന്‍ കരുതുന്നു. "
ഇതാണ് എന്‍റെ പ്രമാണം. എന്‍റെ ശരിയും. എന്‍റെ ജോലിയെ നിങ്ങള്‍ പരിഹസിക്കുമ്പോള്‍ മാത്രം എന്‍റെ ദൈവവും പരിഹസിക്കപ്പെടുന്നു. അല്ലാത്തതൊന്നും എനിക്ക് ദൈവമല്ല തന്നെ.